თუ ფიქრობდი, რომ მწვერვალების დალაშქვრა მხოლოდ მთამსვლელებს შეეძლოთ, ეს ტური საპირისპიროს დაგიმტკიცებს.

მყინვარწვერზე ასვლა ნებისმიერ ადამიანს შეუძლია, თუმცა ამ მოგზაურობის პროფესიონალთან ერთად გავლა აუცილებელი პირობაა.

ტურის პირველ დღეს თბილისიდან ყაზბეგში გავემგზავრებით და ღამეს სტეფანწმინდაში გავათევთ.

მეორე დღეს - მივალთ გერგეტის სამებამდე და ღამის გასათევად ავალთ მეტეოზე, რომელიც ზღვის დონიდან 3700 მეტრზე მდებარეობს.

მესამე დღეს - აკლიმატიზაციისთვის 4000 მეტრზე ავალთ, ხოლო ღამის 3 საათზე მწვერვალისკენ დავიძვრებით.

მწვერვალის დაპყრობის შემდეგ უკან მეტეოში ან პირდაპირ სტეფანწმინდაში დავბრუნდებით და გამოვეშურებით თბილისისკენ.

ეს გამოცდილება დაგარწმუნებს, რომ იმაზე ბევრად მეტი შეგიძლია, ვიდრე ოდესმე გეგონა.

*ინვენტარის არ ქონის შემთხვევაში, დაგეხმარებით შეძენაში ან ქირაობაში.